КОЦУР – У просторийох Каритасу у Коцуре всоботу, 17. фебруара отримани „Вечар Каритасу”, на котрим присуствовало вельке число парохиянох, алє и представителє коцурских здруженьох, институцийох, як и о. Владислав Варґа директор Каритасу.
Коцурски парох о. Владислав Рац присутним упуцел духовне порученє, координатор Каритасу у нашим еґзархату Елемир Джужар и координаторка парохиялного Каритасу у Коцуре, шестра Михаїла Воротняк, през фотоґрафиї у презентациї, представели активносци парохиялного Каритасу у Коцуре.
Присутним ше обрацел и о. Владислав Варґа, котри приповедал на яки способ вон доживює и видзи роботу Каритасу.
Програма була збогацена зоз рецитациями Катарини Недич и писнями женох активних у Каритасу и виронаучних дзецох.
По законченю програми бул орґанизовани и коктел на котрим парохиянє предлужели друженє.