ШИД – На площи опрез Културно-образовного центру у Шидзе отримани перши „Карневал бебох”, на хторим участвовали коло 200 беби зоз шицких яшелькових ґрупох у Предшколскей установи (ПУ) „Єлица Станивукович Шиля”, як и беби котри приведли заинтересовани родичи.
Манифестацию орґанизовали спомнута ПУ и локална самоуправа, так же „Карневал бебох” отворели предсидатель Општини Шид Предраґ Вукович и директорка ПУ Драґана Свитлица.
Як пише портал локалней самоуправи, после отвераня бул шпацир по Карадьордьовей улїци по будинок Општини и назад на площу, дзе потим орґанизовани танєц з музику.