Отримани округли стол о положеню миґрантох

автор влдї
806 Опатрене

ШИД – Вчера у сали Скупштини општини Шид отримани округли стол на тему „Локални политики и прилапйованє миґрантох” у орґанизациї нєвладовей орґанизациї Ґрупа 484.

Округли стол ушлїдзел после виглєдованя хторе на тему одношеня локалней власци и жительох ґу миґрантом запровадзене у марцу того року у Шидзе, Суботици и Зомборе.

Як гварел Синиша Воларевич, програмски координатор спомнутей орґанизациї, циль проєкта злєпшованє положеня миґрантох на подручох на хторих пребуваю, як и потримовка локалним самоуправом през рижни проєкти хтори на хасен шицким гражданом.

Зоран Семенович, заменїк предсидателя Општини Шид, гварел же задаток локалней самоуправи, медзи иншим, и як такволаних нєреґистрованих илеґалних миґрантох уключиц до прилапююцих центрох.

На округлим столє присуствовали, окрем представнїкох локалней самоуправи и представнїки Комесарияту за вибеженцох и миґрациї Републики Сербиї, полициї и других.

По словох др Крсти Куреша, главного координатора здравствених службох за миґрантох, вчера у двох прилапююцих центрох на подручу шидскей општини було 672 миґрантох цо звекшанє, бо их початком авґуста було 464.

Синиша Воларевич, програмски координатор

ПОВЯЗАНИ ТЕКСТИ