ДЮРДЬОВ – Всоботу, 15. децембра, у Дюрдьове отримани 8. по шоре Литературни вечар младих у орґанизациї младих зоз КУД „Тарас Шевченко”.
На литературне стретнуце ше одволали млади зоз Руского Керестура, Коцура, Зомбора и Дюрдьова, а представели ше зоз свою творчосцу по руски, стенд-ап комедию, през аудио-визуелну презентацию и музични точки, а була и вистава фотоґрафийох чия авторка Наташа Хромиш зоз Дюрдьова.
Дзепоєдни учашнїки ше першираз представели дюрдьовскей публики, а порядни виводзаче шмело крочели на бину и представели свойо уметнїцке дїло.