О вирабяню Локалного акцийного плану за обезпечованє роботи

автор зам
889 Опатрене

КУЛА – Представителє Новосадского гуманитарного центру (НСГЦ), у рамикох проєкту „SEED – Step II” вчера, 14. септембра у Кули отримали схадзку з представителями Совиту за обезпечованє роботи, пре виробок Локалного акцийного плану за обезпечованє роботи и активносцох хтори допринєшу звекшаню занятосци у кулскей општини.

Представени активносци у рамикох спомнутого проєкту, хторому циль снованє локалних партнерствох за обезпечованє роботи, а визначене же барз важне ускладзиц понукнуце и поглєдованє за роботну моцу, цо зменша нєзанятосц.

Як гварела Мира Новакович Илин з НСГЦ, локални партнерства маю буц ресурс за виробок шицких планох, стратеґийох и активносцох хтори буду уплївовац на зменшанє нєзанятосци, як и же би мали зазберовац представительох релевантних институцийох и орґанизацийийох хтори ше занїмаю зоз занятосцу.

Ношитель SEED програми австрийска орґанизация Volkshilfe Solidaritat, а програму финансує Австрийска розвойна орґанизация, з тим же НСГЦ ношитель проєктох SEED у Сербиї.

 

 

ПОВЯЗАНИ ТЕКСТИ