О витворйованю правох меншинох у Новим Садзе

автор зам  фото вев
1.1k Опатрене

НОВИ САД – З нєзависну експертску ґрупу Европскей комисиї (ЕК), хтора стреду, 22. фебруара пребувала у Новим Садзе, у просторийох Скупштини Войводини бешедовали и представителє Подручней канцелариї Националного совиту Руснацох у Новим Садзе Наташа Макаї Мудрох и Миломир Шайтош.

Макаї Мудрох и Шайтош з членми експертскей ґрупи бешедовали у рамикох єй стретнуца з представителями Городскей управи Нови Сад, на хторим тема була сотруднїцтво и финансованє програмох за витворйованє правох националних меншинох у Новим Садзе.

Як Рутенпрес дознава од координаторки Подручней канцелариї НС Руснацох Наташи  Макаї Мудрох, представительох з ЕК интересовало чи и як Городска управа финансує проєкти националних меншинох, а було слова и о образованю и информованю на язикох меншинох.

Як гварела Макаї Мудрох, винєшене же Город Нови Сад поряднє финансує активносци Руснацох у Новим Садзе, а заєднїцки констатоване же потребне обновиц роботу Совиту за национални меншини на уровню Городу.

ПОВЯЗАНИ ТЕКСТИ