ПКВ змоцнєла одношеня з привреднїками

автор тнґ/мар
1.1k Опатрене

НОВИ САД – Привредна комора Войводини (ПКВ) за остатнї шейсц мешаци злєпшала квалитет роботи и змоцнєла одношеня з привреднима субєктами, гварел предсидатель ПКВ Бошко Вучуревич.

Вон на першей схадзки нововибраного зволаня Скупштини ПКВ виявел же то посцигнуте насампредз пре добру орґанизацию и винїмкове сотруднїцтво з Покраїнску владу, Привредну комору Сербиї и привреднїками.

Подпредсидатель Покраїнскей влади Дьордє Миличевич гварел же у перших штирох мешацох того року индустрийна продукция у Войводини була за 5,2 одсто векша як у исти час прешлого року. Звонкатарґовински дефицит зменшани за штварцину, док увоз звекшани за 21,5 одсто.

Предсидатель Скупштини ПКВ Марко Циґанич на спомнутей схадзки знова вибрани на тоту функцию, а з тей нагоди гварел же ше привреднїки пре обезпечованє цо лєпшого привредного амбиєнту и сеґментох дїлованя, буду орґанизовац прейґ здруженьох, Управного одбору и Скупштини ПКВ на териториялним и фаховним принципу.

ПОВЯЗАНИ ТЕКСТИ