БЕОҐРАД – Влада Сербиї на вчерайшей схадзки принєсла одлуку же би ше пензионером єднократно виплацело по 5 000 динари, а виплацованє почнє од пондзелку, 6. новембра.
Одлука принєшена у складзе з намаганьом Влади же би ше защицело стандард и злєпшало економску сиґурносц хасновательох пензийох, гвари ше у сообщеню Канцелариї Влади Сербиї за сотруднїцтво з медиями.
З тоту одлуку облапени шицки хаснователє пензийох, и тоти котри доставаю дочасово надополнєня инвалидох роботи другей и трецей катеґориї инвалидносци, як и дзеци инвалиди – хаснователє дочасового надополнєня, хтори у евиденциї Републичного фонду за пензийне и инвалидске осиґуранє за виплацованє пензийох, заключно зоз 27. октобром 2017. року.