БЕОҐРАД – Пензионере у Сербиї найвироятнєйше у новембру достаню єднократну помоц од по 6 000 динари, пишу вчерайши „Новосци”, а потвердзела и РТС. Наведзене же до конца рока будзе и наявене звекшанє пензийох, алє сума звекшаня ище нє утвердзена.
Єднократну помоц достаню шицки пензионере, а то по податкох ПИО вецей як 1,7 милиони особи.
Як наглашую компетентни, за пензиї ше тераз з буджету видзелює 37 одсто средствох, цо резултат звекшаня занятосци, бо пред даскельо роками за тоту намену з державней каси видвойоване 20 одсто вецей.