НОВИ САД – За законченє физкултурней сали у ОШ „Жарко Зренянин” у Ґосподїнцох Покраїнска влада стреду, 22. фебруара, опредзелєла 24,3 милиони динари. Пенєж з чечуцей буджетней резерви будзе видвоєни по швидким поступку, а на инициятиву предсидателя Покраїнскей влади Иґора Мировича, котри нєшка, 24. фебруара (на 12 г.) и нащиви Школу у Ґосподїнцох. Физкултурна сала у Ґосподїнцох стої нєзакончена од 2010. року.
На истей схадзки Покраїнска влада прилапела и информацию о учебнїкох на язикох и писмох националних меншинох.
У складзе з одредбами Закона о учебнїкох, Покраїнски секретарият за образованє, предписаня, управу и национални меншини-национални заєднїци одобрел учебнїки на язикох и писмох националних меншинох, а слово о 68 ришеньох о одобреню нєдоставаюцих учебнїкох на седем язикох на хторих ше виводзи наставу у Войводини.