ВЕРБАС – У Церкви Святого Владимира у Новим Вербаше вибрани нови Церковни одбор на пейцрочни мандат, а до Одбору вибрани Григорий Бескорвайни, Михайло Киндєр, Михайло Юрчук, Дмитро Юрчук, Йоаким Няради и, перши раз у историї тей и парохийох у нашим Еґзархату, два жени – Анка Петрович и София Мученски.
– Нови Церковни одбор потвердзени з благословом апостолского еґзарха, владики Георгия Джуджара, а у нїм и два жени. Мило ми пре тото, и думам же то позитивна ствар за парохию Святого Владимира – гварел з тей нагоди парох у Новим Вербаше о. Иґор Вовк.
После пришаги Церковного одбору, будзе отримана його конститутивна схадзка, вибрани предсидатель, заменїк предсидателя, а члени Одбору достаню и конкретни задлуженя по обласцох роботи.