Першомайски роштиль будзе драгши

автор днв/мар
1k Опатрене

ВОЙВОДИНА/НОВИ САД – Приблїжує ше Швето роботи, 1. май и нєзаобиходни роштиль у природи, а у месарньох гваря же месо за роштиль подрагшало, насампредз пре слабе понукнуце на тарґовищу. Пред даскельо днями месо подрагшало 60-70 динари.

Килограм чевапох кошта 450 динари кґ, колбаси за роштиль коло 440 динари, плєскавица 400 до 450 динари кґ, а ражнїчи коло 300 динари килограм. Швиньска шунка кошта 550 дин/кґ, швиньска шницла коло 430, курово криделка 300, а биле месо од 490 до 700 динари килограм.

Як пише новосадски „Дневник”, вигодни цени прибору за роштиль, угля и брикети мож найсц и на пияцох и у маркетох. Три килограми угля на пияцу коштаю од 200 до 300 динари, док у вельких тарґовинских маркетох и менєй як 200 динари. Брикети за роштиль истей чежини коштаю до 300 динари, а коцочки за подпальованє огня од 100 до 120 динари.

Як кажди рок, новосадске ЯКП „Городске желєнїдло” пририхтує Каменїцки парк за традицийне „першомайске швитанє” и вилєти, дзе будзе скошена трава, а желєни поверхносци опирскани од клїщох.

Першого и другого мая у найстаршим новосадским  парку буду поставени 40 огнїска, чийо хаснованє ше будзе наплацовац 400 динари по дню, а розкладанє огня будзе лєм там дошлєбодзене

ПОВЯЗАНИ ТЕКСТИ