НОВИ САД – У Шветочней сали новосадскей Городскей хижи, 29. марца, млада пиянистка Надя Скокич отримала солистични концерт.
На концерту млада пиянистка одграла композициї Й. С. Баха, Й. Гайдна, Ф. Листа и М. Скорика.
Талантована Новосадянка Надя Скокич студира клавир на Музичней академиї у Ґрацу, у Австриї, у класи професора Манфреда Тауша, и тераз є абсолвент. Пришла до Нового Саду за вельконоцни швета, на два тижнї, и пред новосадску публику отримала солистични концерт. Часц програми хтору одграла будзе и єй дипломска робота, хтору Надя пририхтує у юнию.