Побида у општинским дербию

автор злк
689 Опатрене

КОЦУР – Всоботу, 13. октобра, у Равним Селу процив домашнього „Пролетеру”. коцурски ФК „Искра” одбавел змаганє дзевятого кола у Подручней лиґи Суботица и победзел зоз 3:2.

„Искра” на чежким госцованю процив першопласованей екипи на таблїчки на полчасу трацела зоз 2:0, медзитим у другим полчаше коцурски фодбалере змолгли моци обрациц резултат и на концу победзели зоз 3:2. Же змаганє було чежке потвердзує и факт же „Искра” змаганє закончела зоз двома бавячами менєй, понеже Ґаґович и Дрляча достали червени картони..

Ґоли за „Искра” дали Радивоє Ґаґович, Дамян Ґубаш и Марян Малацко.

„Искра” после 9 одбавених колох ма 19 боди и находзи ше на 5. месце на таблїчки, а у шлїдуюцим колу на домашнїм терену дочека екипу „Обилич” зоз Нового Кнежевца.

ПОВЯЗАНИ ТЕКСТИ