ПЕТРОВАРАДИН – На ютре, 29. децембра, у обисцу фамелиї Еделински, котре того тижня барз очкодоване у огню, будзе орґанизована перша з вецей планованих добродзечних роботних акцийох.
Того дня ше од 7,30 годзин будзе розчисцовац погоренїско. На акцию поволани хлопи хтори можу присц помогнуц, а зоз собу треба же би вжали лопати и желєзни полуги за вицагованє гвоздох и демонтажу латох (пайсери) и рукавици. Полудзенок будзе обезпечни. Заинтересовани би требали наявиц свой приход на телефон 064/819-5218 Владимирови Римарови хтори будзе помагац у координованю помоци.
Попри тим, тоти хтори нє можу присц, свою помоц фамелиї Еделински можу уплациц на рахунок у Ерсте банки – 340 32 038521 18.
Най здогаднєме огень вибухнул у ноци з пондзелка на вовторок, з 24. на 25. децембер, и спричинєл барз вельку материялну чкоду.
Як цо велї Руснаци знаю, члени фамелиї пана Юлия Еделинския познати добродїє и роками помагаю отримованє наших културних манифестацийох.