ЕЛЕМИР – Месна заєднїца Елемир и Банатски културни центер, у рамикох Културней манифестациї „Бал у Елемиру – Сримцово днї”, розписали конкурс за литературну награду „Стеван Сремац” за дїла гумористично-сатиричного жанру (проза, поезия и афоризми).
Дїла прози и афоризмох з хторима ше конкурує можу буц велькосци до 12 боки тексту (велькосц буквох до 10pt), а поетски мож посилац поєдинєчно, лєбо у циклусу до дзешец писнї.
Участвовац можу шицки авторе зоз Сербиї и иножемства, роботи муша буц дотераз нєобявени, подписани з меном и презвиском, написаним числом телефона и адресу автора.
Роботи мож послац по 10. юний 2017. року у друкованей форми на адресу: Месна заєднїца Елемир, Жарка Зренянина 49, 23208 Елемир, з назначеньом – „За литературни конкурс Бал у Елемиру 2017”.
Найлепши роботи буду наградзени – перша награда 50 000 динари, друга 30 000, треца 20 000 динари, а буду додзелєни 23. юния, на Манифестациї „Бал у Елемиру – Сримцово днї”.