ВЕРБАС – У рамикох манифестациї „Музеї Сербиї, дзешец днї од 10 до 10“ отримана традицийна колония Здруженя подобових уметнїкох Вербасу (ЗПУВ). Тогорочна тема була „Портрет як инспирация“, а маляре хасновали вецей технїки, од акварелу по рисунок и колаж.
Коло дзешец подобово роботи направени на колониї, як и даскелї од скорей, виложени у нових просторийох ЗПУВ на городскей площи, а отверанє було стреду, на 18 годзин.
На вистави виложени роботи и наших подобових уметнїкох – Лидиї Барна, котра участвовала на колониї и Силвестера Макая, котри свойо скорайши роботи з тоту тему представел на вистави.
Вистава тирва два тижнї, а нащивителє ю можу опатриц од 18 до 20 годзин.
