КУЛА – Покраїнски секретар за польопривреду, водопривреду и лєсарство Вук Радоєвич вчера нащивел Општину Кула, дзе з предсидательом Општини Перицом Видеканїчом и його сотруднїками бешедовал о активносцох у польопривреди у тим року, насампредз о мирох потримовки польопривреднїком.
У напряме упознаваня польопривреднїкох з мирами Покраїнского секретарияту за польопривреду, на вчерайшей схадзки догварене же и у Кули пошвидко будзе орґанизована заєднїцка трибина о тей теми, понеже за директни стимули за активносци у польопривреди спомнути секретарият того року видвої милион 400 000 динари.
На схадзки бешедоване и о заєднїцких проєктох Општини Кула, Покраїнского секретарияту за польопривреду, водопривреду и лєсарство и ЯП „Води Войводини – реконструованю канализацийней и водоводней мрежи, ушореню дильовох и скланяню дзивих депонийох.