НОВИ САД – Покраїнска влада 14. юния зоз стаємней буджетней резерви опредзелєла 5 милиони динари за помоц Городу Вершцу, односно за оправянє явних и других обєктох хтори очкодовани у нєдавних вилївох у местох тей општини – у Ульми, Избишту и Шушари.
У векших нєпогодох окреме страдала Ульма, а Покраїнска влада задлужела Дирекцию за робни резерви АП Войводини же би, прейґ Червеного крижу Войводини, до того места випоручела поживово продукти у вредносци од милион динари 150 фамелийом, як и коло 60 особом котри пре вилїви мушели буц виселєни зоз своїх обисцох и змесцени до двох прилапююцих центрох.