ШИД – У другим колє Општинскей фодбалскей лиґи Шид, фодбалере ОФК „Бикич” дома дожили пораженє до „Єдноти” зоз Шиду зоз 4:2, а „Сримец” з Беркасова победзел у Ямени „Гранїчар” зоз 1:0.
Пре виступанє з лиґи фодбалерох „Омладинцу” зоз Моловину, придзе до пременки у розпорядку змаганьох, та прето тераз нє дати анї порядок на таблїчки.
У Медзиопштинскей фодбалскейлиґи Срим, фодбалере ОФК „Бикич” на госцованю у Крушедолу победзели зоз 1:0, „Гайдук” з Вишнїчева победзел „Фрушку гору” з Руми зоз 1:0, а „Обилич 1993” на госцованю у Бешенову бавел 0:0 процив БСК.
На таблїчки ОФК „Бикич” пияти и ма шейсц боди, „Гайдук” шести з исто тельо бодами, а „Обилич 1993” осми и ма штири боди.
У штвартим колє „Младосц” зоз Будяновцох дочекує ОФК „Бикич”, „Лєсар” з Оґара дочекує „Гайдук (В)”, а „Обилич 1993” дочекує „Напредак” зоз Жарковцу.