ШИД – У першим колє єшеньскей часци першенства у Медзиопштинскей фодбалскей лиґи Срим, фодбалере ОФК „Бикич” дожили пораженє на госцованю у Жарковцу од домашнього „Напредку” зоз 3:2.
„Гайдук” зоз Вишнїчева победзел „Крушедол” зоз 1:0, а „Обилич 1993” зоз Куковцох влонї ше пласовал зоз Општинскей фодбалскей лиґи Шид до Медзиопштинскей фодбалскей лиґи Срим, и страцел на госцованю у Печинцох од екипи „Долнї Срим 2015” зоз 2:1.
На нєдзелю 26. авґуста, у другим колє, ОФК „Бикич” дочекує „Гайдук” зоз Вишнїчева, а „Обилич 1993” будзе дома бавиц процив „Злоги” зоз Чалми.