РУСКИ КЕРЕСТУР – У Руским Керестуре вчера докончене кладзенє новей вертикалней транспортней сиґнализациї на драгох, а у рамикох проєкту хтори финансовала Општина Кула зоз дакус вецей як штири милиони динари.
Нови транспортни знаки поставени по проєкту „Главни проєкт транспортней сиґнализациї у населєних местох на державних драгох на териториї општини Кула”, та окрем у Керестуре, знаки скорей поставени и у Сивцу, Червинки и Липару – дознава Рутенпрес од одвичательного у Општини Деяна Алексича.
По його словох, обновена комплетна вертикална сиґнализация, а нови знаки маю лєпшу обачлївосц. Тих дньох ше окончує и технїчни приєм поробеного, а потим сиґнализация будзе придата на управянє Явному подприємству „Драги Сербиї”.
