ШИД – На вчерайшей схадзки Скупштини општини (СО) Шид, принєшени одлуки з хторима потримана робота явних подприємствох хторим снователь локална самоуправа за перши дзевец мешаци 2018. року.
Одборнїки потримали дїлованє ЯКП „Явне ошвиценє, услуги и отримованє”, ЯКП „Стандард”, ЯКП „Завод за урбанизем” и ЯКП „Водовод”.
Тиж принєшена и одлука о явним линийским транспорту путнїкох на подручу општини хтора усоглашена з новима законскима предписанями з тей обласци.
Одлуки вигласани без розправи, нє було анї одборнїцки питаня, а схадзка тирвала пол годзини.