НОВИ САД – Пре факт же жени, припаднїци националних заєднїцох у Войводини, два раз вецей марґинализовани, директорка Покраїнского заводу за ровноправносц полох Диана Милович у планє роботи за 2017. рок опредзелєла средства за едукативну роботу з нїма.
Од 24. януара по 8. фебруар окончени розгварки з националнима совитами пейц националних меншинох – горватскей, словацкей, румунскей, рускей и мадярскей.
Циль же би ше и у сотруднїцтве з матичнима жемами робело на змоцньованю женох, же би постали мотивованши за особне усовершованє и економску нєзависносц.
По 20. фебруар ше од националних совитох обчекує идеї и предкладаня, з хторих найлєпши буду имплементовани до проєкту на хторим буду робиц Завод и матични жеми припаднїцох националних заєднїцох.