ШИД – На базенох Спортско-рекреацийного центра „Посейдон ин“ почала безплатна Школа плїваня за дзеци од 8 по 12 роки з подруча шидскей општини.
Школа безплатна дзекуюци средством Покраїнского секретарияту за спорт и младеж хтори финансийно помогнул проєкт Спортского союзу Општини Шид, а помогла и локална самоуправа.
Уписани вкупно 210 дзеци зоз цалей општини, а з валалох маю и безплатну превозку на базени и безплатну ужину.
Зоз дзецми робя тройо инструкторе плїваня и кажде дзецко будзе мац 12 годзини плїваня, а школа будзе по утвердзеним розпорядку тирвац по початок школского рока.