КОЦУР – Вчера на стадионє ФК „Искра” почали пририхтуюци роботи за вибудов нових трибинох. З баґером ЯКП „Комуналєц” Вербас звалєни стари бетонски трибини и поровнани терен на хторим ше будзе будовац нови.
Плановане же нови трибини буду мац коло 200 места, а роботи окончи подприємство „Фриленд Миянович” з Нового Саду.
Попри спомнутого, на хижки за предаванє уходнїцох положени и нови ПВЦ облачки, хтори „Искри” подаровало подприємство „Стакло-рам профили ПВЦ” з Коцура. Пред даскельома днями на хижки з роботну акцию заменєнє закрице.
