БЕОҐРАД – У главним городзе Сербиї вчера, 1. юния, почала манифестация Днї Войводини у Беоґрадзе, хтору пияти раз орґанизує Туристична орґанизация Войводини.
Од 1. по 3. юний з рижнородну програму на даскельо локацийох Войводянє представяю богатство своєй динамичней ровнїни.
Прейґ 30 туристични орґанизациї, привредни здруженя, здруженя женох и општини з Войводини гражданом и туристом у Беоґрадзе понукаю войводянски продукти и туристични можлївосци, а пре прицагованя цо векшого числа нащивительох до Войводинии.
През три днї на Площи Републики од 12 до 19 г. поставени 10 штанди з войводянскима продуктами, а вечарами ше отримує концерти у Божидарцу и Установи култури „Вук Караяджич”, док у готелу „Радисон Блу Олд Мил” дводньови салон винох.