Почало автоматске оверйованє здравствених кнїжочкох

автор ртв/ядю
996 Опатрене

БЕОҐРАД – Автоматске оверйованє здравствених кнїжочкох, за коло 420 тисячи особи зоз самостойних дїялносцох, польопривреднїкох и членох їх фамелийох, почало тих дньох.

Директор канцелариї за ИТ и е-управу Сербиї Михаїло Йованович гварел же ше з тим поступком заокружени процес автоматского оверйованя здравствених карточкох у Сербиї, котри почал у октобру прешлого року, и же гражданє вецей нє муша ходзиц на шалтери же би их оверели на шалтерох Републичного фонду за здравствене осиґуранє.

У тей ґрупи поднїмателє, польопривреднїки, самостойни уметнїки, шицки котра робя по медзинародних контрактох о роботно–технїчним сотруднїцтве, вирски службенїки або гевти котри заняти у приватнїка котри нє ма ПИБ.

Од 1. октобра прешлого року автоматске оверйованє здравствених карточкох окончую 150 тисячи роботодавателє три милиони занятим.

ПОВЯЗАНИ ТЕКСТИ