РУСКИ КЕРЕСТУР – Штварток, 26. октобра, почали роботи на пририхтованю асфалтованя драгох на Новим населєню. Роботи окончує а. д. „Бачкапут”, а плановане же буду закончени у цеку идуцого тижня.
Перши дзень поплатани вельки дзири на драгох котри буду преляти, понеже нє було можлїве асфалтованє на такей подлоги. Вчера и нєшка буду стругац и пририхтовац банкини, а по нєдзелє мож обчековац законченє роботох.
„Бачкапут” поплатала и критични дзири по Керестуре, а асфалтованє тих драгох финансоване зоз средствох месного самодоприносу котри остали од 2016. року.