БЕОҐРАД – Министер польопривреди и защити животного штредку Бранислав Недимович вчера виявел же почало виплацованє субвенцийох польопривреднїком и то пред шатву, цо перши раз же ше субвенциї виплацує у марцу, а нє у маю, як то було скорей, преноши Танюґ.
Як гварел Недимович, терашнє виплацованє субвенцийох за рошлїнску продукцию нє ма вязи з виберанками, бо виплацованє пред шатву вимагали сами парасти, пре природни шлїд збуваньох у польопривреди.
Надпомнул же слово о нєвельких стимулох – 2 000 динари по гектаре, а субвенцию ше достава за максимално 20 гектари.
– Як нам сцигую вимоги – ми кажди шлїдуюци тидзень виплацуєме субвенциї. Пред двома тижнями зме парастом уплацели 600 милиони динари, а того тижня буду уплацени ище 500 милиони – гварел министер Недимович.