КОЦУР – Вчера, 30. новембра, Водопривредне здруженє „Бачка ДОО” зоз Вербасу почало загартац глїбоки ярок у улїци Ошлєбодзеня при беґелю.
Ярок ше пречисци, преглїби, положа ше циви за одвод и загарнє ше го у ровнї з калдерму, а роботи буду тирвац коло 15 днї.
Средства за роботу на инциятиву Месней заєднїци Коцур, обезпечело Водопривредне здруженє „Бачка ДОО” прейґ конкурсу Покраїнского секретарияту за водопривреду и лєсарство, та другу часц средствох дала Општина Вербас. Циви за одвод Месна заєднїца достала од Каритасу.