Почало оправянє старей хижи

автор маф
1k Опатрене

РУСКИ КЕРЕСТУР – Оправянє старей рускей хижи, хторей однєдавна власнїк Национални совит Руснацох, як и було наявене, почало прешлого штвартку, 10. авґуста а, як з проєктом о реконструкциї старей рускей хижи хтори пририхтал Покраїнски завод за Защиту памятнїкох преедвидзене, роботи би мали тирвац 60 днї.

Потераз розчисцени остатки над на закрицу а привежени нови, пририхтує ше стародавни колки за конструкцию место „модерних” латох хтори ше тераз находза на закрицу. Шицки роботи буду окончовац на тендеру вибрани виводзаче – „Нинкович компани” и „Орнамент Инвест-инженєринґ” з Беоґраду и „Архитектура-Проинґ” з Нового Саду.

11.08.2017.- Stara hiza-renoviranje 009

Динамика роботох вшелїяк завишиц и од хвилї, бо и вельки горучави нє одвитую за роботу зоз стародавнима материялами и на стародавни способ, як за Рутенпрес виявела конкусултант на проєкту др Миряна Дєкич. Вона зоз колеґами – одвичательну архитектку за проєкт Єлену Филипович и технїчаром Радославом Филиповичом, 8. авґуста були поопатрац хижу.

По словох др Дєкичовей, з проєктом предвидзене же би ше хижу зошицким заварло, цо його перша фаза. То подрозумює нову конструкцию за закрице и саме закрице, направиц нови комин,  поставиц облаки и дзвери и обилїц ю.

За тоти роботи по Проєкту достати три милиони динари на конкурсу Покраїнского секретарияту за културу, явне информованє и одношенє з вирскима заєднїцами.

08.08.2017.- Stara hiza-Pokrajinski zavod 031

ПОВЯЗАНИ ТЕКСТИ