Почало ґеофизичне виглєдованє седем општинох

автор сас
851 Опатрене

ЖАБЕЛЬ – Тих дньох НИС почал ґеофизичнe виглєдованє нафти и ґазу на подручу Општини Жабель.

Робота ше окончує у рамикох проєкта сеизмичних випитованьох на виглєдовацким подручю Турия 4, на поверхносци од 720 квадратни километри, а котра окрем спомутих двох општинох облапя и подручя Вербасу, Нового Саду, Бачкого Петровцу, Темерину и Тителю.

Пре лєпше информованє гражданох у месних заєднїцох општинских местох отворени канцелариї у котрих мож достац информациї, повесц суґестиї, пригварки або приявиц чкоду. Условиє за виводзенє тих роботох писана согласносц власнїка жеми, а активносц ше окончує лєм на парцели за котру достата согласносц.

У дюрдьовским реону шицки за шицки питаня и информациї задлужени Владета Милоєвич 064/70-80-057. Роботу окончує „Нафтаґас Нафтни сервиси-Сеизмички сервиси” НИС. Проєкт ноши мено 3Д Турия 4, а за тоти активносци анґажована аґенция „Geo-Oil”.

У ЗД сеизмичним виглєдованю мера ше швидкосц пресцераня сеизмичних габох на основи котрих будзе дефинована позиция потенциялних находзискох нафти и ґазу.

ПОВЯЗАНИ ТЕКСТИ