ВЕРБАС – З потримовку РЕС фондациї у Вербаше почал з роботу секретерият Мрежа добрей енерґиї, а циль його роботи зменшац трошки за енерґию и зменшац заґадзеня хтори пошлїдок трошеня и продукциї енерґиї.
Услуги того секретерияту буду доступни шицким гражданом општини Вербас и то през совитованє власнїкох шицких обєктох за биванє, же би зменшали свойо трошки за енерґию, звекшали комфор биваня и зменшали здравствени ризики.
Мрежа добрей енерґиї поволує шицких заинтересованих гражданох же би нащивели тот секретерият, у улїчки Маршала Тита бб, Тарґовински центер Базар, дзе їм дипломовани инжинєре Никола Вуйович и Желько Зечевич даю безплатни совит за унапредзенє енерґетскей ефикасносци.