РУСКИ КЕРЕСТУР – Закончуюци паприґарску сезону, за керестурских заградкарох почала сезона зрезованя броколох, а нєодлуга почнє и зрезованє карфиолу.
Векшина заградкарох котри продукую тоти два култури маю законтрачену продукцию з Подприємством „Изґлед” у Руским Керестуре котре тоти два култури одкупює, а потим предава до прерабяцкей индустриї. Продукция броколох и карфиолу ма вецейрочну традицию у валалє, алє по тераз була менша и нє така интензивна як остатнї два сезони.