ҐОСПОДЇНЦИ – Вчера на швето на Богоявлєнє, у церкви Святого Архангела Михаїла у Ґосподїнцох на Служби Божей на 11 годзин пошвецена вода. Службу служел о. Данил Задрепко, а потим члени Церковного одбору вирним помагали насипац богоявлєнску воду до канчовох и фляшкох же би ю однєсли до свойого дому.
Пошвецанє обисцох у Ґосподїнцох почанє на пондзелок, 22. януара, по узвичаєним розпорядку – од улїцох од Жаблю, перше у Чурожкей улїци, Бранка Радичевича, Доситея Обрадовича и Йована Йовановича Змая и далєй шором по улїцох ґу Темерину.
