НОВИ САД – З нагоди початку нового школского рока, у нашей церкви у Новим Садзе парох о. Юлиян Рац внєдзелю, 17. септембра пошвецел школярох, студентох и їх ташки.
– Модлїме ше за дари Духа Святого, же би нашо млади були добри християнє и на хасен народу. Найвекши заповиди то любиц Бога з цалим шерцом и ближнього як самого себе. Лєм, треба знац же то подрозумює и служенє и жертвованє за ближнього, без калкулованя и обчекованя хасну – поручел о. Рац.