СЕРБИЯ – Як наявюю з Националней алиянси за локални економски розвой (НАЛЕД), по конєц того рока би мал буц прилапени закон о статусу сезонских роботнїкох, по хторим вони буду приявене и буду мац роботни стаж, односно право на пензию, як и право на осиґуранє у случаю нєщесца на роботи.
Як гварел Иван Радак з НАЛЕД-у, котри сотрудзує у виробку закона, роботна ґрупа виробела Нарис закона и тераз роби на його усовершованю и модернизованю, по моделу яки ше запровадзує у Мадярскей.
Точни податки о чишлє анґажованих сезонских роботнїкох у Сербиї нєт, а по даяких оценох, число нєприявених сезонцох у Сербиї коло 80 000, та ше обчекує же нови закон зменша шиву економию у тей обласци.