ВЕРБАС – У Общим шпиталю Вербас на пондзелок, 5. марца, почнє робиц Стома центер, у простору Гирурґийней амбуланти, кажди роботни вовторок од 15 по 17 годзин.
Рочно ше у Сербиї оперує вецей тисячи пациєнти хтори после гирурґийней интервенциї на вонкашнїм муру бруха маю виведзену стому. Стома представя ришенє здравственого проблему, алє представя и естетски проблем хтори уплївує на пациєнтох у социолоґийним и психолоґийним смислу.
У рамикох Стома центру едукацию пациєнтох и родзини будзе окончовац медицинска шестра хтора обучена за роботу з пациєнтами зоз стому.