ВЕРБАС – Гражданє вербаскей општини по 7. априла можу окончиц увид до виберацкого списку за локални виберанки и глєдац сцеранє, вименки, дополнєня, лєбо виправянє своїх податкох у тим списку.
Податки у виберацким списку мож превериц кажди роботни дзень (од 7 до 15 годзин) у будинку Општини Вербас (на другим поверху, канцелария ч. 8), алє и прейґ сайту Министерства державней управи и локалней самоуправи – www.mduls.gov.rs, з уношеньом свойого єдинственого матичного числа.
Виберацки список за виберанки за Скупштину општини Вербас будзе заключени 7. априла, а 9. априла будзе обявене вкупне число виберачох за локални виберанки хтори буду 23. априла.
Дополнююци упис виберачох до виберацкого списку можлїве поробиц по 19. април, а потим у „Службеним глашнїку“ 20. априла будзе обявени конєчни список.