БЕОҐРАД – Републична виберанкова комисия (РВК) 23. авґуста преглашела три лїстини за виберанки за членох националних совитох националних меншинох хтори буду отримани 4. новембра, медзи хторима и єдна за нове зволанє Националного совиту Руснацох.
На виберанковей лїстини „Руснаци вєдно”, хтору поднєсла ґрупа виберачох „За Руснацох”, єст 19 кандидатох и за ню стоя 176 полноважни вияви виберачох.
РВК преглашела и лїстину „Всеромски рух” за членох Националного совиту ромскей националней меншини и „Словаци напредок – Павел Сурови” за членох Националного совиту словацкей националней меншини.
Як уж сообщене, термин за придаванє лїстинох 19. октобер.