КОЦУР – У Коцуре вчера, 27. априла, предлужени роботи на ушорйованю просторийох Месней орґанизациї (МО) инвалидних и других пензионерох.
Члени МО малтеровали фасаду и уход до двора, хтора познєйше будзе и обилєна.
У планє положиц ґелендери за рампу пре лєгчейши уход инвалидох до своїх просторийох, дзе будзе приключена и вода до шанку, алє тоти роботи буду покончени накадзи ше за нїх обезпечи средства.
Терашнї роботи финансує Општина Вербас, по проєкту.
