КОЦУР – После длугей и твардей жими, того тижня предлужени роботи на ушорйованю просторийох Руского дому у Коцуре.
Тераз ше лїпи керамични цегелки, будинок будзе обилєни и положена фасада, а плановане и уводзенє ґазу за зогриванє, за цо ше глєда помоц од Општини Вербас.
З финансийним планом Националного совиту Руснацох за тот рок за докончованє роботох на будинку у Коцуре опредзелєни 250 000 динари, а роботи би мали буц закончени до мая.