Предлужени роботи у рамикох Еко проєкту

автор мар
1.1k Опатрене

РУСКИ КЕРЕСТУР – Здруженє спортских рибарох „Колаяк” всоботу, 9. юния, орґанизовало ище єдну роботну акцию у рамикох Еко проєкту з чиїх средствох розчисцене нєлеґалне шмециско при рускокерестурскому теметову.

На тот завод, як друга часц проєкту, на уходох до розчисценей часци, дзе розґуране шмеце, поставена рампа котра прилагодзена за преход на авту, бициґли и пешо, а источашнє преход на трактору лєбо камиону можлїви лєм з одмиканьом.

Материял за виробок рампи купени зоз средствох достатих по проєкту, а роботу правеня, фарбеня и поставяня добродзечнє окончели оцец и син, Сашо и Боян Виславскийово.

На роботну акцию ше одволало релативно мале число членох и волонтерох, чому була причина подла хвиля и велька буря ноц пред тим котра спричинєла чкоди на закрицох по валалє.

ПОВЯЗАНИ ТЕКСТИ