КУЛА – На соботу, 2. децембра, з початком на 19 годзин у просторийох Руского КУД „Др Гавриїл Костельник“ будзе предпремиєра монодрами „Милионерка“ Ирини Гарди Ковачевич у виводзеню Амалиї Ковач, а у режиї Янка Лендєра.
Монодрама будзе виведзена и на нєдзелю 3. децембра, на 15. Руским фестивалє малих сценских формох „Дюра Папгаргаї” у Новим Садзе. Уход на соботову предпремиєру у Кули шлєбодни.