НОВИ САД – Концом прешлого тижня отримана перша шветочна схадзка колеґиюму Покраїнского защитнїка гражданох-омбудсмана, на хторей фаховей и ширшей явносци представена робота тей институциї у 2016. року и плани за тот и идуци роки.
Покраїнски омбудсман Зоран Павлович на початку схадзки здогаднул же тота институция пред 15 роками запровадзена як перша институция защитнїка гражданох- омбудсмана у Сербиї. З тей нагоди гварел же єден з цильох Защитнїка гражданох же би ше у наиходзацих шейсцох рокох звекшало довириє гражданох до тей институциї.
Омбудсман Павлович наявел же институция планує предлужиц и унапредзиц активносци хтори уж запровадзує, як и увесц нови, насампредз едуковац представительох институцийох з обласци людских правох и запровадзовац виглєдованя.
На колеґиюму бешедовали и предсидатель Скупштини АПВ Иштван Пастор и предсидатель Покраїнскей влади Иґор Мирович.