РУСКИ КЕРЕСТУР – На безплатни здравствени препатрунки всоботу 16. юния, у рамикох акциї „Базар здравя”, котру орґанизовал Месни одбор Сербскей напредней странки, одволали ше коло 70 гражданє Руского Керестура.
У валалскей амбуланти лїкаре специялисти мерали уровень цукру у креви и кревови прицисок, робели ЕКҐ шерца и ултразвук абдомену.
Як дознаваме од директора Дому здравя Кула Жарка Шевина, пракса орґанизованя таких препатрункох тирва уж дзешец роки, орґанизую ше спрам потреби, а значни су за вчасне пренаходзенє рижних хоротох.