КОЦУР – Пондзелок, 12. новембра, у Манастире шестрох Служебнїцох Непорочней Дїви Мариї у Коцуре преславени Кирбай.
З нагоди Кирбаю, у Манастире служена Служба Божа у котрей наказовал монах Василиян ЧСВВ о. Виталих Лотоцкий зоз України, а сослужовали коцурски парох о. Владислав Рац, капелан о. Данил Задрепко, о. Яков Кулич, о. Яков Новак, керестурски капелан Михайло Шанта, о. Алексей Гудак зоз Вербасу и кулянски парох Дамян Кича. Парохиянох споведал о. Платон Салак зоз Кули.
На Служби присуствовали числени шестри и парохиянє зоз других местох котри ше по служби могли засладзиц зоз лакотками, котри були пририхтани за Кирбай.