ШИД – У 17. колє Општинскей фодбалскей лиґи Шид, фодбалере „Сримцу” з Беркасова дома прешвечлїво победзели ОФК „Бинґула” зоз 7:0.
„Єднота” у Шидзе победзела „Гранїчар” з Ямени з 2:1, а у Моровичу утакмица помедзи „Єдинство” и ОФК „Бачинци” претаргнута у 65. минути при резултату 3:2 за „Єдинство”.
На таблїчки „Обилич 1993” превжал перше место од „Напредку” и ма 43 боди, „Єднота” пията зоз 26 бодами, ОФК „Бачинци” седми зоз 25, а „Сримец” осми зоз 24 бодами.
У 18. колє ОФК „Бачинци” дочекую „Сримец”, а „Єднота” одходзи на госцованє до Ґибарцу процив „Синдєличу”.