РУСКИ КЕРЕСТУР – Пре нєбезпечносц за транспорт и преходнїкох по центру валала на Русинскей улїчки у цеку резанє „смарґльових баґренох” котри уж витирвали и стари. Древа були дзирави и предстaвяли опасносц за шицких.
На вимогу ЯКП „Руском” з Керестура на терен вишла инспекция з Кули, котра наложела нагле пилєнє древох, пре вельку опасносц од пуканя, ламаня и паданя под час лєтнїх бурйох.
Пилєнє древох окончує ЯКП „Комуналєц” з Кули, а домашнї „Руском” одвожи конари на шмециско, та окончує шицки помоцни роботи котри у їх можлївосци.
– По законченю тей роботи у наиходзацим чаше, будзе прелята часц калдерми котру коренє очкодовало, а тиж заплановане и садзенє нових древкох швидкого росту, одвитуюцих за парки – гварел директор „Руском” Иґор Фейди.
